Велапаход на Свіцязь: Баранавічы-Паланэчка-Свіцязь-Пачапава-Баранавічы
Градус на выходныя перадавалі вялікі. І як варыянт быў правесці выхадныя ў велапаходзе з начлегам на возеры Свіцязь. Прабіваліся да возера праз нішцякі Брэсцкай вобласці. Атрымалі тыповы велозагар і як узнагароду за гэта -закат на возеры. Прапаную вам гід «Як цікава даехаць да Свіцязя» Пра ўсё падрабязней глядзіце далей у справаздачы.



Першым прыпынкам было мястэчка Крашын. Якое адметнае касцёлам Божага Цела (1920-x)
За касцёлам знаходзіцца невялічкія могілкі, дзе можна знайсці месца пахавання беларускага пісьменніка Паўлюка Багрыма. Ад літаратурнай спадчыны паэта захаваўся толькі адзін верш.
Далей мы трымалі шлях на Стайкі
Лашкевіч Наталля Віктараўна яшчэ не ведала, што ў Стайках знаходзіцца Палацава-паркавы ансамбль Лашкевічаў.
Некалькі гадоў таму камісія з Берасьця не знайшла палац вартым уключэння ў спіс архітэктурных помнікаў, і пакінула яго на руйнаванне часам.
Наталля адразу пабегла карміць гаспадарку сваіх продкаў. Спачатку казла.
Спачатку з стада выйшаў вялікі авец-самец, груба бэкнуў і жахліва мачаспусціўся. Паглядзеў на Наталлю і, не пазнаўшы прадстаўніка роду Лашкевічаў, пабег у бок, а за ім і усе астатнія. Печалька.
Гаспадарчая пабудова яшчэ знаходзіцца у прыемным стане
Паехалі да суседзяў- Слізняў, якія гаспадарылі ў мястэчку Вольна з 1804 года. Даўно ўжо няма гаспадара ў мястэчку- вось і возера зарасло.
Цікавыя архітэктурныя збудаванні можна ўбачыць ў цэнтры мястэчка.
Царква Святой Троіцы.

Па плану вёска Паланэчка, у якой ужо як другі год стаіць прыватазаваны за 50 000 $ Палац Радзівілаў. З праведзенных работ -толькі дзвярны замок і шыльдачка.
Ну і зразумела каля радзівілаўскіх скакуноў не праўшлі міма. Наташа і ім прапанавала сваю «траўку».
У цэнтры вёскі Паланэчка, непадалёк ад палаца Радзівілаў, стаіць прыгожы драўляны Юр’еўскі касцёл, узведзены ў 1899 г. Папярэдні касцёл быў пабудаваны ў 1751 г. таксама з дрэва па фундацыі біскупа Жалкоўскага. У гэтым касцёле хрысцілі Iгната Дамейку. Новы храм пабудаваны паводле праекта 1895 г. варшаўскага архітэктара К.Вайцяхоўскага. (radzima.org)
Наступныя каго мы наведалі былі — Тугановічы (Карчова), дзе раней знаходзілася сядзіба Верашчакаў. Спачатку заехалі да самага вялікага валуна Брэсчкай вобласці, дзе калісьці сустракаліся і бухалі Адам Міцкевіч, Тамаш Зан, Ян Чачот, Францішак Малеўскі і Ігнаці Дамейка. І называлі гэта месца- Камень Філарэтаў.

Тугановічы (Карчова). Камень філарэтаў Камень Філарэтаў у лесе каля вёскі Карчова. Каля яго спаткаліся Адам Міцкевіч, Тамаш Зан, Ян Чачот, Францішак Малеўскі і Ігнаці Дамейка
Пасядзелі і мы каля яго- паелі, папілі і рушылі далей наведваць парк перыяду рамантызма, у якім адпаведна шыльдачцы зафіксаваны 364 віда жывёл. Карацей прыязжайце, ніякіх гламурных асфальтаванных дарожак і ліхтарыкаў вы там не ўбачыце. Тут усё па хардкору.
Краявіды мясцовасці
Праз вёску Падгайна.
60 км Варонча і доўгачаканная крама. Нарэшце можна паесьці марозіва і папіць халоднай вады .
У Варончы цікава наведаць каталіцкія могілкі
Пасля Варончы паехалі лясной гравейкай да Райцы. На дарозе мой спадарожнік патрапіў у ДТЗ — добра, што яшчэ з «Налібок» у заплечніку засталіся медыкаменты.
Страслі пыл і наведалі мястэчка Райца. Царква Святой Барбары
Заехалі ў Валеўку за семкамі і паехалі на возера. Апошні пад’ём перад фінішам.
На возеры было як заўжды шмат людзей. Мы сталі на усходнім беразе каб пакупацца пры закаце =)
DAY 2
Прачнуліся каля 8 гадзін раніцы. І адразу зразумелі адну непрыемную рэч, калі стаяцць на усходнім беразе, то сонца яшчэ доўга не будзе трапіць да вас. Раніцай вы будзеце сядзець у цені дрэваў, як на тым беразе усё вельмі добра
Лес у якім жыве возера- змешаны.
Сабраліся і каля 10 паціху паехалі далей.
Пачапава. Царква Покрыва Прасвятой Багародзіцы. Царква з сваімі месяцамі і зоркамі падобная на мусульманскую мячэць.
Недалёка ад царквы стаіць будынак савецкіх часоў- спажывецкая крама.
А далей прапаную вам агляд дарог і не дарог па якім нам давялося ехаць.
За першы дзень праехалі 90 км, за другі 60 км. З пачатку года 2200 км.
Атрымалі такі добры роварны загар =)
Усё на гэтым. усім дабра =)